De Entdecker-Fohrt vun den Afrikaner Lukanga Mukara na den binnersten Part vun Düütschland

Op Plattdüütsch vertellt: De Entdecker-Fohrt vun den Afrikaner Lukanga Mukara na den binnersten Part vun Düütschland.
Paasche, Hans; Groß, Fritz; Goltz, Reinhard; Donat, Helmut
50010
978-3-943425-99-4
In stock
new
€12.80 *

Titel: De Entdecker-Fohrt vun den Afrikaner Lukanga Mukara na den binnersten Part vun Düütschland
Autor: Hans Paasche
Beiträge: Helmut Donat
Übersetzung: Reinhard Goltz
Verlag: Donat Verlag
Bremen, 2020
ISBN 9783943425994 / ISBN 978-3-943425-99-4
Kartoneinband, 13 x 22 cm, 112 Seiten, zahlreiche Illustrationen und sw-Abbildungen

Öwer: De Entdecker-Fohrt vun den Afrikaner Lukanga Mukara na den binnersten Part vun Düütschland

Op mien letzte Reis na dat binnere Afrika heff ik en Land besöcht, dat heel un deel för sik is un en ole Kultur hett, de wiet weg is vun dat, wat in Europa begäng is. Vun buten kümmt hier nix rin, un so hett düt Land bet op den hütigen Dag fasthollen an de Oort to leven un sik op de Welt intorichten. So heff ik anfungen, dat to verglieken mit mien egen Oort to denken, mien egen „Kultur". Bet nu heff ik nich den Dreih kregen, dat ik vun düt Land wat afdrucken laat. Mi dünk, wenn een man knapp fief Maand lang dör düt Land reist is, denn kunn dat woll nich langen, en würklich fre'e Sicht op de Saak to kriegen, de all Sieden gerecht warrt. Wat ik as In-druck mit na Huus bröcht harr, dat weer: Länner un Urvölker, de för sik bleven sünd, sünd för uns en Segen.

Denn an de, de nix vun den Fortschritt in uns Kultur afweet un de dor ok nix vun missen doot, de nich uns goden Sieden hebbt, man de ok nich dat mitmaakt, wat bi uns scheef oder verkehrt löppt, köönt wi en Barg vun uns sülvst rutfinnen. Bet nu heff ik de Saak jümmers so ankeken. Mien Sinn stünn dor gor nich na, düsse Gedanken öffentlich to maken un de Tostänn hier bi uns to bekriddeln. Denn aver is en ganz anner Geschieht in Gang kamen, un de hett mi de Opgaav ut de Hand nahmen. En swarten Mann, den ik an den Hoff vun König Ruoma bemött bün, hett mien Henwies opnahmen. He hett sik vun den König vun dat Land Kitara den Opdrag geven laten, he schull dör Düütschland reisen. Lukanga Mukara is, un nix anners seggt sien Naam, en Mann, de vun de Insel Ukara in den Viktoriasee herkümmt.

As jungen Mann al is he vun dat Eiland, op dat de Minschen dicht an dicht wahnt, na de Insel Ukerewe utwannert, de blangenan liggt. Hier hett he vun de „witten Vadders" Lesen un Schrieven lehrt. Op en Reis is he denn den Pater weglopen, mit den he ünnerwegens weer. Bleven is he opletzt bi Ruoma, den König vun Kitara. Hier hett he as Översetter, Verteiler un Gerichtsberader dat insett, wat he allens to weten kregen harr. Dor heff ik em kennen lehrt. De Breven vun Lukanga sünd ganz wat Besünners. De Mann ut de Frömd kickt sik dat Denken un dat Doon in Düütschland mit siene egen Ogen an. Wat för uns Alldag is, dat fallt em op. He kickt sik de Saken nipp un nau an, un wat he dorvun höht, dat seggt he kloor rut. So kann he free weg vun uns Leven snacken, as wi dat gor nich henkriegen köönt. (Hans Paasche)

Wat drin steiht: De Entdecker-Fohrt vun den Afrikaner Lukanga Mukara na den binnersten Part vun Düütschland

Vörreed vun Hans Paasche (1881-1920)
De eerste Breef: Vun Metallgeld, „Kultur" un dat Breven-Schrieven
De twete Breef: Vun den Rook, de Arbeit un de mallhaftige Mood, sik Tüüch antotrecken
De drüdde Breef: Dat Handwark vun't Schrieven un Lesen - Riek un Arm - De Wasungu sünd kene Minschen - De Froenslüüd
De veerte Breef: Woso de Wasungu hen un her loopt un fohrt
De föffte Breef: Wat un woans de Wasungu eten doot
De sösste Breef: Vun den narrschen Kraam, de bi de Wasungu „Volkswirtschaft" heet
De söövte Breef: Woans de Düütschen jemehren König fiert
De achte Breef: Vun de Rookstinkeree bi de Wasungu
De negente Breef: Lukanga op den Hogen Meißner
Helmut Donat: „Afrika höört de Afrikaners to!" - En poor Wöör to Hans Paasche sien Lukanga Mukara
Reinhard Goltz: Lukanga Mukara op Platt
Fritz Groß: Hans Paasche sien letzte Stünn

Recommendations for De Entdecker-Fohrt vun den Afrikaner Lukanga Mukara na den binnersten Part vun Düütschland